Suntsipenezko musika-gailua

Zeinen gauza ederra den artea eta zientzia uztartzen direnean! Hauxe da hain zuzen BPM gailuak egiten duena. BPM edo Brain Pulse Music makinak zuzen-zuzenean irakurtzen ditu zure garuneko uhin elektromagnetikoak eta zuzen-zuzenean musika bihurtzen ditu, artekaririk gabe eta zure pentsamenduez gaindiko mugarik gabe. 

Masaki Batoh larunbat gauerako prest

Ederra ideia, tramankulua gizaki oker, psikopatiko eta eskizofreniko batek erabiltzen duen arte. Orduan soinu oker, psikopatiko eta eskizofrenikoak besterik ez dira ateratzen. Noski.

Orain arte esan ez dudana zera da, soinuaren presio-uhin longitudinalak elektromagnetiko bilakatzen direla zure barne belarrian, okertasun, psikopatia eta eskizofrenia zure garunean barreiatuz, meme zital eta kutsakorrenen moduan. Sintomak agertzen hasten diren bitartean tramankuluari buruz zerbait gehiago ikasi nahi baduzu, hemen azalpena:

Ongi izan.

Iturria: 14 Billion Years Later, Stereophile.